
2021 Rhif 933 (Cy. 213)
Addysg, Cymru
Rheoliadau Deddf Anghenion Dysgu Ychwanegol a’r Tribiwnlys Addysg (Cymru) 2018 (Diwygiadau Canlyniadol) (Rhif 2) 2021
Gwnaed 10 Awst 2021
Gosodwyd gerbron Senedd Cymru 11 Awst 2021
Yn dod i rym 1 Medi 2021
Mae Gweinidogion Cymru, drwy arfer y pwerau a roddir gan adrannau 97(1) a (2) a 98(2) o Ddeddf Anghenion Dysgu Ychwanegol a’r Tribiwnlys Addysg (Cymru) 2018, yn gwneud y Rheoliadau a ganlyn.
Enwi a chychwyn
1 
Enw’r Rheoliadau hyn yw Rheoliadau Deddf Anghenion Dysgu Ychwanegol a’r Tribiwnlys Addysg (Cymru) 2018 (Diwygiadau Canlyniadol) (Rhif 2) 2021 a deuant i rym ar 1 Medi 2021.
Rheoliadau Ysgolion Newydd (Derbyniadau) (Cymru) 2006
2 

(1) Mae’r Atodlen i Reoliadau Ysgolion Newydd (Derbyniadau) (Cymru) 2006 wedi ei diwygio fel a ganlyn.
(2) Ar ôl is-baragraff (b) o baragraff 1, mewnosoder—“
(ba) adran 48(1) i (5) o Ddeddf Anghenion Dysgu Ychwanegol a’r Tribiwnlys Addysg (Cymru) 2018;”.
Gorchymyn Eithriadau Gwarchod Plant a Gofal Dydd (Cymru) 2010
3 

(1) Mae Gorchymyn Eithriadau Gwarchod Plant a Gofal Dydd (Cymru) 2010 wedi ei ddiwygio fel a ganlyn.
(2) Yn erthygl 14(2)—
(a) ar ôl is-baragraff (i) mewnosoder “neu”;
(b) hepgorer is-baragraff (iii) a’r “neu” o’i flaen.
Rheoliadau Derbyniadau Ysgol (Meintiau Dosbarthiadau Babanod) (Cymru) 2013
4 

(1) Mae Rheoliadau Derbyniadau Ysgol (Meintiau Dosbarthiadau Babanod) (Cymru) 2013 wedi eu diwygio fel a ganlyn.
(2) Yn rheoliad 2(1)—
(a) yn y lleoedd priodol, mewnosoder y diffiniadau a ganlyn—“
 ystyr “DADYTA 2018” (“the ALNETA 2018”) yw Deddf Anghenion Dysgu Ychwanegol a’r Tribiwnlys Addysg (Cymru) 2018;”;“
 mae i “anghenion addysgol arbennig”, mewn perthynas â phlentyn y mae Pennod 1 o Ran 4 o DA 1996 yn parhau i fod yn gymwys iddo, yr ystyr a roddir i “special educational needs” gan adran 312 o DA 1996;”;“
 mae i “anghenion dysgu ychwanegol” (“additional learning needs”), mewn perthynas â phlentyn y mae Rhan 2 o DADYTA 2018 yn gymwys iddo, yr ystyr a roddir gan adran 2 o DADYTA 2018;”;“
 ystyr “plentyn sydd â chynllun datblygu unigol” (“child with an individual development plan”) yw plentyn y mae cynllun datblygu unigol yn cael ei gynnal mewn perthynas ag ef o dan Ran 2 o DADYTA 2018;”;
(b) yn y diffiniad o “addysg addas”, ar ôl “arbennig” mewnosoder “neu anghenion dysgu ychwanegol (yn ôl y digwydd)”.
(3) Yn yr Atodlen—
(a) ar ôl paragraff 2 mewnosoder—“
2A. 
Mae’r paragraff hwn yn gymwys i blentyn sydd â chynllun datblygu unigol a dderbyniwyd i’r ysgol y tu allan i gylch derbyn arferol, o ganlyniad i enwi’r ysgol yng nghynllun datblygu unigol y plentyn o dan adran 48 o DADYTA 2018.”;
(b) ym mharagraff 14, ar ôl “addysgol arbennig” mewnosoder “neu anghenion dysgu ychwanegol (yn ôl y digwydd)”.
Rheoliadau Addysg (Trefniadau Sefydlu ar gyfer Athrawon Ysgol) (Cymru) 2015
5 

(1) Mae Rheoliadau Addysg (Trefniadau Sefydlu ar gyfer Athrawon Ysgol) (Cymru) 2015 wedi eu diwygio fel a ganlyn.
(2) Yn rheoliad 3(1), yn y diffiniad o “ysgol arbennig”, yn lle “337(1)” rhodder “337”.
Rheoliadau Addysg (Arolygu Addysg Feithrin) (Cymru) 2015
6 

(1) Mae Rheoliadau Addysg (Arolygu Addysg Feithrin) (Cymru) 2015 wedi eu diwygio fel a ganlyn.
(2) Yn rheoliad 3—
(a) hepgorer yr “a” ar ôl paragraff (2)(c)(iii);
(b) yn lle paragraff (2)(c)(iv) rhodder—“
(iv) pan gymeradwywyd yr ysgol o dan adran 347 o Ddeddf Addysg 1996 (cymeradwyo ysgolion annibynnol sy’n darparu addysg arbennig) cyn 1 Medi 2021 a’i bod yn parhau i fod wedi ei chymeradwyo yn union cyn y dyddiad hwnnw, awdurdod lleol sy’n talu’r ffioedd mewn cysylltiad â phresenoldeb disgybl cofrestredig yn yr ysgol y mae Pennod 1 o Ran 4 o Ddeddf Addysg 1996 yn parhau i fod yn gymwys mewn perthynas ag ef; a
(v) pan fo gan ddisgybl cofrestredig yn yr ysgol gynllun datblygu unigol y mae’r ysgol wedi ei henwi ynddo o dan adran 14(6) neu 19(4) o Ddeddf Anghenion Dysgu Ychwanegol a’r Tribiwnlys Addysg (Cymru) 2018, yr awdurdod lleol sy’n cynnal y cynllun datblygu unigol o dan yr adran 14 neu 19 honno;”.
Dirymiadau canlyniadol
7 
O ganlyniad i ddiwygiadau a wnaed i Ddeddf Addysg 1996 gan Ddeddf Anghenion Dysgu Ychwanegol a’r Tribiwnlys Addysg (Cymru) 2018, mae’r canlynol wedi eu dirymu o ran Cymru—
(a) Rheoliadau Addysg (Anghenion Addysgol Arbennig) (Cymeradwyo Ysgolion Annibynnol) 1994;
(b) Rheoliadau Addysg (Ysgolion Arbennig) 1994;
(c) Rheoliadau Addysg (Anghenion Addysgol Arbennig) (Cymeradwyo Ysgolion Annibynnol) (Diwygio) 1998;
(d) Rheoliadau Addysg (Offer Peryglus mewn Ysgolion) (Dileu’r Cyfyngiadau ar Ddefnydd) (Cymru) 2017.
Jeremy Miles
Gweinidog y Gymraeg ac Addysg, un o Weinidogion Cymru
10 Awst 2021