
2013 Rhif 398 (Cy.48)
AMAETHYDDIAETH, CYMRUDIWYDIANNAU DA BYW
Rheoliadau Semen Buchol (Cymru) (Diwygio) 2013
Gwnaed 21 Chwefror 2013
Gosodwyd gerbron Cynulliad Cenedlaethol Cymru 25 Chwefror 2013
Yn dod i rym 18 Mawrth 2013
Mae Gweinidogion Cymru yn gwneud y Rheoliadau hyn drwy arfer y pwerau a roddwyd gan adran 10 o Ddeddf Iechyd a Lles Anifeiliaid 1984.
Enwi, cymhwyso a chychwyn
1 

(1) Enw'r Rheoliadau hyn yw Rheoliadau Semen Buchol (Cymru) (Diwygio) 2013.
(2) Mae'r Rheoliadau hyn yn gymwys o ran Cymru, ac yn dod i rym ar 18 Mawrth 2013.
Diwygiadau i Reoliadau Semen Buchol (Cymru) 2008
2 
Diwygir Rheoliadau Semen Buchol (Cymru) 2008 yn unol â'r Rheoliadau canlynol.
Dehongli
3 
Ym mharagraff (1) o reoliad 2, ar ôl y diffiniad o “mangre sydd heb ei thrwyddedu” mewnosoder—“
 ystyr “mangre brosesu sydd heb ei thrwyddedu” (“unlicensed processing premises”) yw mangre sydd heb ei thrwyddedu—
(a) ar gyfer prosesu semen—
(i) a gasglwyd mewn mangre sydd heb ei thrwyddedu neu ganolfan gasglu ddomestig, a
(ii) nas bwriedir ar gyfer y fasnach ryng-Gymunedol, a
(b) a oruchwylir gan filfeddyg canolfan o ganolfan gasglu CE;”.
Cymeradwyo anifeiliaid buchol i'w defnyddio mewn mangre sydd heb ei thrwyddedu
4 

(1) Ym mharagraff (1) o reoliad 10, hepgorer “, neu ei ddefnyddio fel anifail ymlid,”.
(2) Ym mharagraff (4) o reoliad 10, hepgorer “neu'r anifail ymlid a ddefnyddiwyd i gasglu'r semen hwnnw”.
Dyletswyddau penodol milfeddygon canolfannau a gweithredwyr mangreoedd sydd heb eu trwyddedu
5 
Yn rheoliad 16, ar ôl paragraff (1) mewnosoder—“
(1A) Rhaid i ddyletswyddau milfeddyg canolfan mewn canolfan gasglu CE, a bennir ym mharagraff (1B), gael eu cyflawni hefyd, gan y milfeddyg hwnnw, pan fo'n goruchwylio mangre brosesu sydd heb ei thrwyddedu.
(1B) Y dyletswyddau yw'r rhai a bennir yn y darpariaethau canlynol o Ran 3 o Atodlen 3—
(a) is-baragraffau (ch), (d) ac (dd) o baragraff 1; a
(b) is-baragraff (b) o baragraff (2).”.
Defnyddio anifeiliaid ymlid
6 
Yn lle rheoliad 21 rhodder—“
Defnyddio anifeiliaid ymlid
21 

(1) Ni chaiff neb ddefnyddio anifail ymlid i gynorthwyo gyda chasglu semen oni fydd yr anifail hwnnw wedi ei gymeradwyo at y diben hwnnw gan Weinidogion Cymru.
(2) Ond ni fydd cymeradwyaeth o'r fath yn ofynnol ar gyfer anifail ymlid a ddefnyddir i gynorthwyo gyda chasglu semen mewn mangre sydd heb ei thrwyddedu.”.
Prosesu semen
7 
Yn rheoliad 24, yn lle paragraffau (a) a (b) rhodder—“
(a) mewn canolfan gasglu CE;
(b) mewn canolfan gasglu ddomestig; neu
(c) mewn mangre brosesu sydd heb ei thrwyddedu.”.
Cyflenwi semen rhewedig
8 
Yn rheoliad 28, ym mharagraff (2), yn lle “yw wedi ei storio” rhodder “oedd y semen rhewedig wedi ei storio yn flaenorol”.
Y mesurau sy'n gymwys i ganolfannau casglu CE
9 
Yn Atodlen 3, ym mharagraff 2 o Ran 1, yn lle “dogn” rhodder “casgliad”.
Y mesurau sy'n gymwys i ganolfan gasglu ddomestig
10 
Yn Atodlen 5, ym mharagraff 2 o Ran 1, yn lle “dogn” rhodder “casgliad”.
Dyletswyddau gweithredwyr mangreoedd sydd heb eu trwyddedu
11 
Yn Atodlen 7—
(a) ym mharagraff 1(c), yn lle “neu ganolfan gasglu ddomestig i'w brosesu” rhodder “, i ganolfan gasglu ddomestig neu i fangre brosesu sydd heb ei thrwyddedu i'w brosesu”;
(b) yn lle paragraff 1(c)(ii) rhodder—“
(ii) pan symudir y semen i ganolfan gasglu CE, bod y profion a bennir ym mharagraff 1(1) o Ran 2 o Atodlen 3 wedi eu cynnal ar yr anifail buchol a bod y canlyniadau'n negyddol;
(iia) pan symudir y semen i ganolfan gasglu ddomestig neu i fangre brosesu sydd heb ei thrwyddedu, bod y profion a bennir ym mharagraff 2 o Ran 2 o Atodlen 8 wedi eu cynnal ar yr anifail buchol a bod y canlyniadau'n negyddol;”; ac
(c) ym mharagraff 2(2), yn lle “i filfeddyg canolfan y ganolfan gasglu y mae semen yr anifail buchol yn cael ei symud” rhodder “i'r milfeddyg canolfan sy'n goruchwylio'r ganolfan neu'r fangre y symudir semen yr anifail buchol”.
John Griffiths
Gweinidog yr Amgylchedd a Datblygu Cynaliadwy, un o Weinidogion Cymru
21 Chwefror 2013