
2007 Rhif 739 (Cy.67)
DIOGELU'R AMGYLCHEDD, CYMRU
Rheoliadau Tramgwyddau Amgylcheddol (Cosbau Penodedig) (Darpariaethau Amrywiol) (Cymru) 2007
Wedi'u gwneud 06 Mawrth 2007
Yn dod i rym 15 Mawrth 2007

Cynulliad Cenedlaethol Cymru (“y Cynulliad Cenedlaethol”), o ran Cymru, yw'r person priodol fel y'i diffinnir—
(a) yn adran 11(1) o Ddeddf Gwaredu Sbwriel (Amwynder) 1978, at ddibenion arfer y pwerau a roddir gan adran 2A(11) o'r Ddeddf honno;
(b) yn adran 9(1) o Ddeddf Rheoli Llygredd (Diwygio) 1989, at ddibenion arfer y pwerau a roddir gan adran 5B(12) o'r Ddeddf honno;
(c) yn adran 29(1A)(b) o Ddeddf Diogelu'r Amgylchedd 1990, at ddibenion arfer y pwerau a roddir gan adrannau 34A(12) a 47ZB(4) a (5) o'r Ddeddf honno;
(ch) yn adran 98(1A)(b) o Ddeddf Diogelu'r Amgylchedd 1990, at ddibenion arfer y pwerau a roddir gan adrannau 88(11) a 97A(1), (2) a (4) o'r Ddeddf honno;
(d) yn adran 11(2A)(b) o Ddeddf Sŵ n 1996, at ddibenion arfer y pwerau a roddir gan adran 8A(4) a (5) o'r Ddeddf honno;
(dd) yn adran 47(1) o Ddeddf Ymddygiad Gwrthgymdeithasol 2003, at ddibenion arfer y pwerau a roddir gan adrannau 43A(4) a (5) a 47(4) o'r Ddeddf honno;
(e) yn adran 9(2) o Ddeddf Cymdogaethau Glân a'r Amgylchedd 2005, at ddibenion arfer y pwerau a roddir gan adran 6(11) o'r Ddeddf honno;
(f) yn adran 66(b) o Ddeddf Cymdogaethau Glân a'r Amgylchedd 2005, at ddibenion arfer y pwerau a roddir gan adrannnau 59(12) a 60(4) a (5) o'r Ddeddf honno;
(ff) yn adran 81(1) o Ddeddf Cymdogaethau Glân a'r Amgylchedd 2005, at ddibenion arfer y pwerau a roddir gan adrannau 74(4) a (5) o'r Ddeddf honno.
(g) yn adran 98(1)(b) o Ddeddf Cymdogaethau Glân a'r Amgylchedd 2005, at ddibenion arfer y pwerau a roddir gan adran 97(1)(a) a (2)(c) o'r Ddeddf honno.

Mae Cynulliad Cenedlaethol Cymru drwy arfer y pwerau a roddwyd iddo gan adran 67(1) o Deddf Cymdogaethau a'r Amgylchedd Glân 2005 a'r pwerau a enwir yn is-baragraffau (a) i (g) o'r paragraff uchod yn gwneud y Rheoliadau a ganlyn:
Enwi, cychwyn a chymhwyso
1 

(1) Enw'r Rheoliadau hyn yw Rheoliadau Tramgwyddau Amgylcheddol (Cosbau Penodedig) (Darpariaethau Amrywiol) (Cymru) 2007
(2) Mae'r Rheoliadau hyn yn dod i rym ar 15 Mawrth 2007.
(3) Mae'r Rheoliadau hyn yn gymwys o ran Cymru.
Ystodau rhagnodedig o gosbau penodedig
2 

(1) Rhaid i swm cosb benodedig y gellir ei bennu gan—
(a) prif awdurdod sbwriel yng Nghymru o dan adran 88(6A)(a) o Ddeddf Diogelu'r Amgylchedd 1990;
(b) prif awdurdod sbwriel yng Nghymru o dan baragraff 7(4)(a) o Atodlen 3A i Ddeddf Diogelu'r Amgylchedd 1990;
(c) awdurdod lleol perthnasol yng Nghymru o dan adran 43A(1)(a) o Ddeddf Ymddygiad Gwrthgymdeithasol 2003;
(ch) prif awdurdod neu awdurdod eilaidd yng Nghymru o dan adran 60(1)(a) o Ddeddf Cymdogaethau Glân a'r Amgylchedd 2005 o ran unrhyw orchymyn rheoli cŵ n a gafodd ei wneud gan yr awdurdod hwnnw;
(d) awdurdod lleol yng Nghymru o dan adran 74(2)(a) o Ddeddf Cymdogaethau Glân a'r Amgylchedd Glân 2005,
beidio â bod yn llai na £75 a dim mwy na £150.
(2) Rhaid i swm cosb benodedig y gellir ei bennu gan—
(a) awdurdod casglu gwastraff yng Nghymru o dan adran 47ZB(2)(a) o Ddeddf Diogelu'r Amgylchedd 1990;
(b) prif awdurdod sbwriel yng Nghymru o dan adran 94A(4)(a) o Ddeddf Diogelu'r Amgylchedd 1990;
(c) awdurdod lleol yng Nghymru o dan adran 8A(2)(a) o Ddeddf Swn 1996;
beidio â bod yn llai na £100 a dim mwy na £150.
(3) Caiff awdurdod sy'n gweithredu o dan fwy nag un o'r darpariaethau a enwir ym mharagraff (1) neu (2) bennu swm gwahanol o dan bob un o'r cyfryw ddarpariaethau.
Symiau llai o gosbau penodedig
3 

(1) Pan fo—
(a) awdurdod sbwriel yng Nghymru sy'n gweithredu o dan adran 88(7) o Ddeddf Diogelu'r Amgylchedd 1990;
(b) prif awdurdod sbwriel yng Nghymru sy'n gweithredu o dan baragraff 7(5) o Atodlen 3A i Ddeddf Diogelu'r Amgylchedd 1990;
(c) awdurdod lleol yng Nghymru sy'n gweithredu o dan adran 43A(3) o Ddeddf Ymddygiad Gwrthgymdeithasol 2003;
(ch) prif awdurdod neu awdurdod eilaidd yng Nghymru sy'n gweithredu o dan adran 60(3) o Ddeddf Cymdogaethau Glân a'r Amgylchedd 2005;
(d) awdurdod lleol yng Nghymru sy'n gweithredu o dan adran 74(3) o Ddeddf Cymdogaethau Glân a'r Amgylchedd 2005,
yn gwneud darpariaeth i drin cosb benodedig yn un a gafodd ei thalu os caiff swm llai ei dalu cyn diwedd cyfnod a bennir gan yr awdurdod hwnnw, rhaid i'r swm llai hwnnw beidio â bod yn llai na £50.
(2) Os bydd—
(a) awdurdod casglu gwastraff yng Nghymru sy'n gweithredu o dan adran 47ZB(3) o Ddeddf Diogelu'r Amgylchedd 1990;
(b) prif awdurdod sbwriel yng Nghymru sy'n gweithredu o dan adran 94A(5) o Ddeddf Diogelu'r Amgylchedd 1990;
(c) awdurdod lleol yng Nghymru sy'n gweithredu o dan adran 8A(3) o Ddeddf Sŵ n 1996;
(ch) awdurdod lleol sy'n gweithredu o dan adran 6(10) o Ddeddf Cymdogaethau Glân a'r Amgylchedd 2005,
yn gwneud darpariaeth i drin cosb benodedig yn un a gafodd ei thalu os caiff swm llai ei dalu cyn diwedd cyfnod a bennir gan yr awdurdod hwnnw, rhaid i'r swm llai hwnnw beidio â bod yn llai na £60.
(3) Os bydd awdurdod lleol sy'n gweithredu o dan adran 2A(10) o Ddeddf Gwaredu Sbwriel (Amwynder) 1978 yn gwneud darpariaeth i drin cosb benodedig yn un a gafodd ei thalu os caiff swm llai ei dalu cyn diwedd cyfnod a bennir gan yr awdurdod hwnnw, rhaid i'r swm llai hwnnw beidio â bod yn llai na £120.
(4) Os bydd—
(a) awdurdod rheoleiddio sy'n gweithredu o dan adran 5B(11) o Ddeddf Rheoli Llygredd (Diwygio) 1989;
(b) awdurdod gorfodi sy'n gweithredu o dan adran 34A(11) o Ddeddf Diogelu'r Amgylchedd 1990,
yn gwneud darpariaeth i drin cosb benodedig yn un a gafodd ei thalu os caiff swm llai ei dalu cyn diwedd cyfnod a bennir gan yr awdurdod hwnnw, rhaid i'r swm llai hwnnw beidio â bod yn llai na £180.
Amod sydd i'w fodloni gan berson cyn y caiff awdurdod eilaidd awdurdodi'r person hwnnw at ddibenion rhoi hysbysiadau cosbau penodedig
4 
Yr amod sydd i'w bodloni gan berson cyn y caiff awdurdod eilaidd awdurdodi'r person hwnnw yn ysgrifenedig at ddibenion rhoi hysbysiadau o dan—
(a) adran 88 o Ddeddf Diogelu'r Amgylchedd 1990;
(b) adran 43(1) o Ddeddf Ymddygiad Gwrthgymdeithasol 2003;
(c) adran 59 o Ddeddf Cymdogaethau Glân a'r Amgylchedd 2005,yw fod rhaid i'r person gwblhau'n llwyddiannus gwrs hyfforddi cosb benodedig.
Y defnydd o dderbyniadau cosb benodedig gan gynghorau cymuned
5 

(1) Ni chaiff cyngor cymuned ddefnyddio unrhyw symiau y mae'n ei dderbyn yn unol â hysbysiadau o dan—
(a) adran 88 (hysbysiadau cosb benodedig am adael ysbwriel) o Ddeddf Diogelu'r Amgylchedd 1990
(b) adran 43(1) (hysbysiadau cosb am lunio graffiti a gosod posteri yn anghyfreithlon) o Ddeddf Ymddygiad Gwrthgymdeithasol 2003;
(c) adran 59 (hysbysiadau cosb benodedig am droseddau o dan orchmynion rheoli cŵn) o Ddeddf Cymdogaethau Glân a'r Amgylchedd 2005.
ond yn unig at ddibenion y swyddogaethau a bennir ym mharagraff (2)
(2) Y swyddogaethau a bennir at ddibenion y rheoliad hwn yw'r swyddogaethau o dan—
(a) adran 88 o Ddeddf Diogelu'r Amgylchedd 1990;
(b) adran 43(1) o Ddeddf Ymddygiad Gwrthgymdeithasol 2003;
(c) Pennod 1 o Ran 6 o Ddeddf Cymdogaethau Glân a'r Amgylchedd 2005.
(3) Rhaid i gynghorau cymuned roi i Gynulliad Cenedlaethol Cynru y fath wybodaeth ynghylch y symiau y maent yn eu derbyn mewn cysylltiad â'r darpariaethau a bennir ym mharagraff (1) ag a ddichon fod yn ofynnol gan Gynulliad Cenedlaethol Cymru.
Llofnodwyd ar ran y Cynulliad Cenedlaethol Cymru o dan adran 66(1) o Ddeddf Llywodraeth Cymru 1998
D. Elis-Thomas
Llywydd y Cynulliad Cenedlaethol
6 Mawrth 2007