
1 

(1) Enw’r Rheoliadau hyn yw Rheoliadau Llacio’r Gofynion Adrodd mewn Ysgolion (Cymru) (Coronafeirws) 2021.
(2) Daw’r Rheoliadau hyn i rym ar 18 Mehefin 2021.
2 

(1) Mae Rheoliadau Adroddiadau Blynyddol Llywodraethwyr Ysgolion (Cymru) 2011 wedi eu diwygio fel a ganlyn.
(2) Ar ôl rheoliad 1A mewnosoder—“
1B. 
Ni chaniateir i’r wybodaeth a bennir ym mharagraffau 6, 7 ac 8(b) o Atodlen 2 ac sy’n ymwneud â’r flwyddyn ysgol 2020-2021 gael ei chynnwys mewn unrhyw adroddiad llywodraethwyr.”
(3) Yn rheoliad 5(2)(a), ar ôl “Atodlen 2” mewnosoder “(oni bai nad yw’r wybodaeth honno yn ofynnol yn rhinwedd rheoliad 1B)”.
3 
Ar ôl rheoliad 1A o Reoliadau Adroddiad Pennaeth i Rieni a Disgyblion sy’n Oedolion (Cymru) 2011 mewnosoder—“
1B. 
Mae’r ddyletswydd a osodir ar bennaeth gan reoliad 3(3) mewn cysylltiad â’r flwyddyn ysgol 2020-2021 i’w thrin fel pe bai wedi ei chyflawni os yw’r pennaeth wedi gwneud ymdrechion rhesymol i gyflawni’r ddyletswydd.”
4 
Ar ôl rheoliad 1A o Reoliadau Gwybodaeth Ysgolion (Cymru) 2011 mewnosoder—“
1B. 
Ni chaniateir i’r wybodaeth a bennir ym mharagraff 30 o Atodlen 3 ac sy’n ymwneud â’r flwyddyn ysgol 2020-2021 gael ei chynnwys mewn unrhyw brosbectws ysgol.”
5 
Ar ôl rheoliad 1A o Reoliadau Gwybodaeth am Berfformiad Ysgolion (Cymru) 2011 mewnosoder—“
1B. 
Ni chaiff yr wybodaeth a ddarperir yn unol â rheoliadau 5 a 6 gynnwys unrhyw wybodaeth sy’n ymwneud â’r flwyddyn ysgol 2020-2021.”
Jeremy Miles
Gweinidog y Gymraeg ac Addysg, un o Weinidogion Cymru
23 Mai 2021