
1 

(1) Enw’r Rheoliadau hyn yw Rheoliadau Llacio’r Gofynion Adrodd mewn Ysgolion (Cymru) (Coronafeirws) 2020.
(2) Daw’r Rheoliadau hyn i rym ar 7 Awst 2020.
2 

(1) Mae Rheoliadau Adroddiadau Blynyddol Llywodraethwyr Ysgolion (Cymru) 2011 wedi eu diwygio fel a ganlyn.
(2) Ar ôl rheoliad 1 mewnosoder—“
1A. 
Ni chaniateir i’r wybodaeth a bennir ym mharagraffau 6, 7 ac 8(b) o Atodlen 2 ac sy’n ymwneud â’r flwyddyn ysgol 2019-2020 gael ei chynnwys mewn unrhyw adroddiad llywodraethwyr.”
(3) Mae paragraff 10 o Atodlen 2 wedi ei ddirymu.
3 
Ar ôl rheoliad 1 o Reoliadau Adroddiad Pennaeth i Rieni a Disgyblion sy’n Oedolion (Cymru) 2011 mewnosoder—“
1A. 
Mae unrhyw ddyletswydd a osodir ar bennaeth gan y Rheoliadau hyn mewn cysylltiad â’r flwyddyn ysgol 2019-2020, ac eithrio’r ddyletswydd yn rheoliad 5(1), i’w thrin fel pe bai wedi ei chyflawni os yw’r pennaeth wedi gwneud ymdrechion rhesymol i gyflawni’r ddyletswydd.”
4 
Ar ôl rheoliad 1 o Reoliadau Gwybodaeth Ysgolion (Cymru) 2011 mewnosoder—“
1A. 
Ni chaniateir i’r wybodaeth a bennir ym mharagraff 30 o Atodlen 3 ac sy’n ymwneud â’r flwyddyn ysgol 2019-2020 gael ei chynnwys mewn unrhyw brosbectws ysgol.”
5 
Mae’r canlynol wedi eu dirymu—
(a) Rheoliadau Perfformiad Ysgol a Thargedau Absenoldeb (Cymru) 2011,
(b) rheoliad 13 o Reoliadau Deddf Cymwysterau Cymru 2015 (Diwygiadau Canlyniadol) 2016,
(c) rheoliad 6 o Reoliadau Addysg (Diwygiadau sy’n Ymwneud â Gwybodaeth Asesiadau Athrawon) (Cymru) 2018, a
(d) Rheoliadau Perfformiad Ysgol a Thargedau Absenoldeb (Cymru) (Diwygio) 2019.
6 

(1) Mae Rheoliadau Gwybodaeth am Berfformiad Ysgolion (Cymru) 2011 wedi eu diwygio fel a ganlyn.
(2) Ar ôl rheoliad 1 mewnosoder—“
1A. 
Ni chaiff yr wybodaeth a ddarperir yn unol â rheoliadau 5, 6 ac 8 gynnwys unrhyw wybodaeth sy’n ymwneud â’r flwyddyn ysgol 2019-2020.”
(3) Yn rheoliadau 4, 5 a 6, ar ôl “bob blwyddyn” mewnosoder “ysgol”.
Kirsty Williams
Y Gweinidog Addysg, un o Weinidogion Cymru
13 Gorffennaf 2020