
1 

(1) Enw’r Rheoliadau hyn yw Rheoliadau Gwybodaeth am Fwyd (Cymru) (Diwygio) 2020.
(2) Daw’r Rheoliadau hyn i rym ar 1 Ebrill 2020.
2 

(1) Mae Rheoliadau Gwybodaeth am Fwyd (Cymru) 2014 wedi eu diwygio fel a ganlyn.
(2) Yn Atodlen 5 (hysbysiadau gwella – darpariaethau penodedig), ar ôl Rhan 4 mewnosoder—“
RHAN 5

Y ddarpariaeth yn FIC Y darpariaethau sydd i’w darllen gydaʼr ddarpariaeth yn FIC
Erthygl 26(3) (dangosiad gorfodol o wlad tarddiad neu darddle’r prif gynhwysyn pan fo’n wahanol i wlad tarddiad neu darddle’r bwyd) Erthyglau 1(3) a 6 o FIC, a Rheoliad Gweithredu’r Comisiwn (EU) 2018/775 o ran y rheolau ar gyfer dangos gwlad tarddiad neu darddle prif gynhwysyn y bwyd fel y’i diwygir o bryd i’w gilydd.”
Vaughan Gething
Y Gweinidog Iechyd a Gwasanaethau Cymdeithasol, un o Weinidogion Cymru
4 Mawrth 2020