
1 

(1) Enw’r Gorchymyn hwn yw Gorchymyn Awdurdodau Lleol (Newid Blynyddoedd Etholiadau Cyffredin) (Cymru) 2019.
(2) Daw’r Gorchymyn hwn i rym ar 6 Tachwedd 2019.
(3) Yn y Gorchymyn hwn, ystyr “Deddf 1972” yw Deddf Llywodraeth Leol 1972.
2 

(1) Mae pob awdurdod lleol sy’n dod o fewn disgrifiad o awdurdod lleol ym mharagraff (2) yn benodedig at ddibenion y Gorchymyn hwn.
(2) Y disgrifiadau o awdurdod lleol yw—
(a) cyngor ar gyfer sir neu fwrdeistref sirol yng Nghymru;
(b) cyngor ar gyfer cymuned yng Nghymru.
3 

(1) Mae’r blynyddoedd pryd y cynhelir etholiadau cyffredin cynghorwyr i’r awdurdodau lleol a bennir yn erthygl 2 wedi eu newid gan y diwygiadau a ganlyn i Ddeddf 1972.
(2) Yn adran 26(1) o Ddeddf 1972 (ethol cynghorwyr), yn lle “2017”, ym mhob lle y mae’n digwydd, rhodder “2022”.
(3) Yn adran 35(2) o Ddeddf 1972 (cynghorwyr cymuned), yn lle “2017” rhodder “2022”.
4 
Yn unol â hynny, mae cyfnod swydd cynghorwyr presennol o dan adran 26(2) ac adran 35(2A) o Ddeddf 1972 wedi ei estyn gan un flwyddyn.
5 
Mae Gorchymyn Etholiadau Awdurdodau Lleol (Cymru) 2014 wedi ei ddirymu.
Julie James
Y Gweinidog Tai a Llywodraeth Leol, un o Weinidogion Cymru
17 Medi 2019