
1 

(1) Enw’r Rheoliadau hyn yw Rheoliadau Addysg (Diwygiadau sy’n Ymwneud ag Arolygu Addysg a Hyfforddiant) (Cymru) 2014 a deuant i rym ar 1 Medi 2014.
(2) Mae’r Rheoliadau hyn yn gymwys o ran Cymru.
2 
Yn Rheoliadau Addysg (Arolygu Addysg Feithrin) (Cymru) 1999 yn rheoliad 4, yn lle paragraff (1)(b) rhodder—“
(b) in all other cases at least once within a six year period beginning on 1 September 2014 and ending on 31 August 2020 and at least once within every subsequent six year period beginning on the expiry of the previous six year period.”.
3 

(1) Mae Rheoliadau Arolygu Addysg a Hyfforddiant (Cymru) 2001 wedi eu diwygio fel a ganlyn.
(2) Yn rheoliad 2, yn lle paragraff (1)(b) rhodder—“
(b) ym mhob achos arall o leiaf unwaith o fewn cyfnod o chwe blynedd yn dechrau ar 1 Medi 2014 ac yn dod i ben ar 31 Awst 2020 ac o leiaf unwaith o fewn pob cyfnod o chwe blynedd wedi hynny yn dechrau pan ddaw’r cyfnod blaenorol o chwe blynedd i ben.”.
(3) Yn rheoliad 4 yn lle “50” rhodder “20”.
4 

(1) Mae Rheoliadau Addysg (Arolygu Ysgolion) (Cymru) 2006 wedi eu diwygio fel a ganlyn.
(2) Yn rheoliad 6, yn lle paragraff (1)(b), rhodder—“
(b) ym mhob achos arall o leiaf unwaith o fewn cyfnod o chwe blynedd yn dechrau ar 1 Medi 2014 ac yn dod i ben ar 31 Awst 2020 ac o leiaf unwaith o fewn pob cyfnod o chwe blynedd wedi hynny yn dechrau pan ddaw’r cyfnod blaenorol o chwe blynedd i ben.”.
(3) Ym mharagraff (c) o reoliad 8 hepgorer “o leiaf dair wythnos ymlaen llaw”.
(4) Ym mharagraff (1) o reoliad 10 yn lle “ddeugain a phump” rhodder “20”.
(5) Yn lle rheoliad 14 rhodder—“
14 
Pan fo’n ofynnol gan adran 50(1) i gorff llywodraethu ysgol wirfoddol neu ysgol sefydledig sicrhau bod addysg enwadol a roddir i unrhyw ddisgybl a chynnwys addoli ar y cyd yn yr ysgol yn cael eu harolygu, rhaid iddo sicrhau bod yr arolygiad yn cael ei gynnal—
(a) yn achos ysgol nad oedd wedi’i harolygu o’r blaen, o fewn chwe blynedd i’r dyddiad y derbyniwyd disgyblion gyntaf i’r ysgol; a
(b) ym mhob achos arall, o leiaf unwaith o fewn cyfnod o chwe blynedd yn dechrau ar 1 Medi 2014 ac yn dod i ben ar 31 Awst 2020 ac o leiaf unwaith o fewn pob cyfnod o chwe blynedd wedi hynny yn dechrau pan ddaw’r cyfnod blaenorol o chwe blynedd i ben.”.
(6) Ym mharagraff (4) o reoliad 16 yn lle “ddeugain a phump” rhodder “20”.
5 

(1) Mae Rheoliadau Arolygu’r Gwasanaeth Gyrfaoedd a Gwasanaethau Cysylltiedig (Cymru) 2006 wedi eu diwygio fel a ganlyn.
(2) Yn rheoliad 4 yn lle paragraff (1), rhodder—“
(1) Ac eithrio pan fo rheoliad 3 yn gymwys, rhaid i’r Prif Arolygydd arolygu pob darparydd gwasanaeth o dan adran 55 o Ddeddf 2005 a phob darparydd perthnasol o dan adran 56 o Ddeddf 2005 o leiaf unwaith o fewn cyfnod o chwe blynedd yn dechrau ar 1 Medi 2014 ac yn dod i ben ar 31 Awst 2020 ac o leiaf unwaith o fewn pob cyfnod o chwe blynedd wedi hynny yn dechrau pan ddaw’r cyfnod blaenorol o chwe blynedd i ben.”.
(3) Yn rheoliad 7, yn lle “hanner cant” rhodder “20”.
Carwyn Jones
Prif Weinidog Cymru
8 Mai 2014